letzte Kommentare
-
-
Datum
28.04.2026 19:08
-
Verfasser
Klaus Einmayr
-
Tour
Hochzint - Melkerloch
-
Kommentar
Der geheime PP ist oberhalb vom Hacker im Wald, aber nicht weitersagen, gel ! Da...
-
| Datum | Bundesland | Verfasser | Tour |
|---|
De-Eskalation - so a Schmarrn!, 10.05.2013, Peter Scheiber
Grund Nr. 1
Grund Nr. 4
Grund Nr. 5
Grund Nr. 6
Tourenbeschreibung
... lesen Sie mehr im Blattinneren!
Hiaz muass i zu de Tourenberichte von diversen Herrn scho amoi Stellung beziahn!
So a Dreck, wos des woar, gestern! Des is jo nit zum aushaltn..... Und donn werdn de Nit-Beteiligten a nu an da Nosn herumgführt... die Organisatoren stelln des Gonze natürlich donn so hin, als wärs a voller Erfolg gwesn....
Lesen Sie hier - liebe Leserinnen & Leser - wie es wirklich war:
1. Bereits beim Auto woar zu erkennen, dass des Gonze mit ana Skitour nix zum tuan hot: 15°C und soweit des Auge reicht koa Schnee - und des Anfang Mai - wer kann auf 600 m scho damit rechna!!!???
2. Bei da Übafoahrt noch St. Barschtl bin i direkt nebn dem Touri-Guide gsessn.... i hob jetzt nu an Tinnitus von seina Horn-Blaserei - und des mitn Echo: des glabt do woi koana!
3. Und donn beim Weggagehn: wieda koa Schnee! nur alles grün! do het ma a glei im Biergartn bleibn kenna!
4. wia da Schnee donn ongfonga halt: lauta Stoana! scho wieda a Dreck, sozusagn!
5. donn is a nu steil woadn: da Tom E. hat sogar versuacht zan Messn - bei ca. 65° in da Rinn hat donn sogar da Neigungsmessa Angst griagt... seit dem geht a nimma!
6. und donn die ganze Zeit hob i de orangene Hosn vom besagten Tom E. vor meina Nosn und die Augn ghobt: mia brennan jetzt nu die Augn!
7. Gipfelhang: von wegn Skitour - do hobn scho de Bleami bliaht!
8. überhaupt woar des gonze Zeitmanagement da VoiDreck: Auto bis Auto hat bei mir 10:30 Std. gedauert (und i woar net da Letzte), davon hob i ungefähr 3 Stundn de Schi onghobt....
9. wia scho in Pkt 2 erwähnt gibt es des Echo goar net! Da Beweis: beim Zruckfoahrn mitn Schiffi hat koana mitn Horn blasn.... da Touri-Guide werd scho wissn warum net!
10. des Fassl zum Überlaufen hat donn folgende Situation brocht: beim Rucksackauspackn dahoam hob i donn mein Flachmann entdeckt - und i hob de gonze Tour nit daran gedacht an Schluck zum nemma!
so a Schmarrn!
Oiso, i hoff der Bericht regt zu ana ordentlichen Eskalation an! :) damit es nächstes Joahr wieda wos zum De-Eskalieren gibt....
i glab "besagte Herrn" habn ihre Berichte bereits im Bräustübi gschriebn... wahrscheinlich hockn se eh jetzt nu dort :) Prost
p.s. NETT WAR ES! Andi, Danke, fias Initieren & Organisieren; an alle Anderen fias dabeisein und die Gaudi!